Skyldusparnaður

Það getur skipt miklu máli í hvaða lífeyrissjóð skylduiðgjöldin eru greidd, meðal annars vegna mismunandi réttindaávinnslu sjóðanna. Frjálsi lífeyrissjóðurinn er með eina hæstu réttindaávinnslu samtryggingasjóða. Eins býður sjóðurinn upp á þrjár mismunandi samtryggingaleiðir og úrval fjárfestingaleiða. 

Sjóðurinn er opinn öllum starfandi einstaklingum sem ekki eru bundnir skylduaðild að öðrum lífeyrissjóðum samkvæmt kjarasamningum

Þegar tekin er ákvörðun um það að sækja um aðild að Frjálsa lífeyrissjóðnum þarftu fyrst að huga að því hvaða samtryggingaleið hentar þér best.

Að því loknu, hafi samtryggingaleið þar sem hluti iðgjalds fer í séreign orðið fyrir valinu, þarf að velja fjárfestingarleið fyrir séreignina. Upplýsingar um úrval fjárfestingarleiða má finna hér.

Samtryggingaleiðir

Í Frjálsa lífeyrissjóðnum er boðið upp á þrjár samtryggingaleiðir þ.e Erfanlegu leiðina, Frjálsu leiðina og Tryggingaleiðina. Munurinn á þessum leiðum felst í því hve háu hlutfalli skylduiðgjaldsins er varið í séreign og þá hvort þar sé um að ræða frjálsa séreign eða bundna séreign.

Mikilvægt er að kynna sér allar leiðirnar til að geta tekið upplýsta ákvörðun um val á samtryggingaleið. Ef engin leið er valin verður iðgjöldum ráðstafað í Frjálsu leiðina sem er sjálfval samkvæmt samþykktum sjóðsins.

• Sjá nánar um samtryggingarleiðir
  
  

Til baka