Spurt og svarað um lífeyrissjóðslán

• Ef ég fæ lífeyrissjóðslán hjá Frjálsa lífeyrissjóðnum í dag og ég sel húseignina síðar, getur nýr eigandi yfirtekið lánið á sömu kjörum eða þarf að greiða lánið upp?
  Þú getur bæði flutt lánið með þér á næstu íbúð, sem sjóðurinn þarf að samþykkja, til að spara þér lántöku- og stimpilgjald. Jafnframt getur nýr eigandi yfirtekið lánið á sömu kjörum ef hann uppfyllir skilyrðin sem eru nefnd í fyrsta lið hér að ofan. Sjóðurinn verður þó að samþykkja nýtt veð. Verði skuldaraskipti á láninu og nýr skuldari er ekki sjóðfélagi hækka vextir lánsins um 1,0 prósentustig. Sama gildir ef lántakandi flytur heild eða hluta af séreign sinni úr sjóðnum.
• Er hægt að greiða inn á lánið og lækka höfuðstólinn?
  Það er hægt að greiða inn á höfuðstólinn að hluta eða öllu leyti hvenær sem er, þér að kostnaðarlausu.
• Eru einhverjar takmarkanir á því í hvað má nota lífeyrissjóðslánið?
  Nei.
• Get ég breytt lánstímanum eftir að lánið hefur verið tekið?

  Sjá upplýsingar í kaflanum um lengingu lánstíma, hér.

• Get ég fengið lán með veði í eign sem ég á ekki (lánsveð)?
  Nei, það er ekki hægt lengur.
• Hvað er hægt að sækja um hátt lán?
  Lágmark 2 milljónir kr. og hámark 20 milljónir. Hámarkið takmarkast af veðrými og greiðslugetu lántakanda. Fasteignaveð í eigu skuldara þarf að vera til tryggingar láninu og getur veðsetning með umbeðnu láni verið allt að 65% af metnu markaðsverði íbúðarhúsnæðis. Veðsetning má þó aldrei vera hærri en 100% af brunabótamati.
• Hvað get ég sótt um lán til langs tíma?
  Lánstími er 5 til 40 ár.
• Hvaða gögn þurfa að fylgja lánsumsókn?
  • Nýtt veðbókarvottorð
  • Afrit af síðustu greiðslukvittunum af þeim lánum sem hvíla fyrir á eigninni
  • Afrit af þinglýstum kaupsamningi hafi eignin skipt um eigendur á síðustu tveimur árum, eða áætlað markaðsverð að mati sérfræðings á lánaborði Viðskiptabankasviðs Arion banka eða verðmat frá löggiltum fasteignasala sem Frjálsi lífeyrissjóðurinn tilnefnir (í samráði við starfsmenn Arion banka). Lántakandi greiðir kostnað vegna verðmats frá löggiltum fasteignasala ef um það er að ræða
  • Húseignir í smíðum þurfa að vera komnar með fokheldisvottorð ásamt smíðatryggingu og kvittun fyrir greiðslu gatnagerðargjalda
  • Upplýsingar um brunabótamat og fasteignamat
  • Upplýsingar vegna greiðslumats (nánari upplýsingar í útibúi)
• Hver er kostnaðurinn við lántökuna?
  Sjá Verðskrá
• Hverjir eiga möguleika á að fá lífeyrissjóðslán hjá Frjálsa lífeyrissjóðnum?
  Sjóðfélagar í Frjálsa lífeyrissjóðnum sem greitt hafa að lágmarki 150.000 kr. í sjóðinn geta sótt um lán hjá Frjálsa lífeyrissjóðnum. Þeir þurfa einnig að hafa greitt iðgjöld í sjóðinn vegna 6 síðustu mánaða. Undanþegnir þessu skilyrði eru þeir sem þegar fá greiðslur úr sjóðnum.
• Hvernig gengur ferlið fyrir sig ef ég sæki um lán?
  1. Sótt er um lán í  Höfðaútibúi Arion banka, Bíldshöfða 20, 110 Reykjavík. Þjónusturáðgjafar aðstoða við útfyllingu umsókna og kanna hvort þú uppfyllir grunnskilyrði til lántöku
  2. Gögn sem þurfa að fylgja lánsumsókn koma fram í liðnum hér næst fyrir ofan
  3. Þegar öll gögn hafa borist er veðhlutfall reiknað út og lánanefnd metur hvort þú uppfyllir skilyrði til lántöku
  4. Greiðslumat er gert, ef við á
  5. Þjónusturáðgjafi hefur samband við þig og tilkynnir þér niðurstöðu lánanefndar
  6. Ef niðurstaða lánanefndar er jákvæð útbýr þjónusturáðgjafi veðskuldabréf
  7. Þú sækir veðskuldabréf til þjónusturáðgjafa, undirritar það og ferð með í þinglýsingu. Þjónusturáðgjafi getur séð um þinglýsinguna fyrir þig, en það flýtir verulega fyrir ef þú ferð með það í þinglýsingu
  8. Þegar lánið kemur úr þinglýsingu þarf að koma því aftur í útibúið (ef þú ferð sjálf/ur með lánið í þinglýsingu þarft þú að sækja það aftur).
• Hvernig gerist ég sjóðfélagi í Frjálsa lífeyrissjóðnum?
  Ef þú ert ekki sjóðfélagi í Frjálsa lífeyrissjóðnum nú þegar, skaltu hafa samband við Lífeyrisþjónustu Arion banka í síma 444 7000 eða koma við í næsta útibúi Arion banka og sækja um aðild.
• Hvernig sækir maður um lífeyrissjóðslán hjá Frjálsa lífeyrissjóðnum?
  Hægt er að sækja um lífeyrissjóðslán með því að fara í næsta útibú Arion banka. Þjónusturáðgjafar aðstoða við útfyllingu umsókna.
• Veitir Frjálsi lífeyrissjóðurinn lán vegna ósamþykktra íbúða?
  Nei, því miður.
• Veitir lán Frjálsa lífeyrissjóðsins rétt til vaxtabóta?
  Aðeins vegna lána til kaupa eða byggingar íbúðarhúsnæðis til eigin nota.